Voter Data Row: दुबार मतदारांमुळे भाजपचा पराभव? शेलारांचा गंभीर आरोप

लोकसभा निवडणुकीत (Lok Sabha Elections) महायुतीला बसलेल्या फटक्याला दुबार मुस्लिम मतदार (Duplicate Muslim Voters) जबाबदार असल्याचा गंभीर आरोप भाजप नेते आशिष शेलार (Ashish Shelar) यांनी केला आहे. 'उद्धवजी कसला विजय तुमचा? महाराष्ट्र विकास आघाडीचा विजय कसला?' असा थेट सवाल शेलार यांनी उपस्थित केला. बीडमध्ये पंकजा मुंडे (Pankaja Munde) यांचा ६,५५३ मतांनी पराभव झाला, पण तिथे ६७,६७९ दुबार मुस्लिम मतदार होते, असा दावा त्यांनी केला. याचप्रमाणे धुळे, मुंबई नॉर्थ सेंट्रल, मुंबई नॉर्थ ईस्ट आणि अमरावतीमधील पराभवाचे अंतर आणि दुबार अल्पसंख्याक मतदारांची संख्या सादर करत त्यांनी महाविकास आघाडीच्या (MVA) विजयावर प्रश्नचिन्ह निर्माण केले. हिंदू, मराठी आणि दलित मतदारांमधील दुबार नावे शोधली जात असताना, मुस्लिम आणि अल्पसंख्याक दुबार मतदारांकडे जाणीवपूर्वक दुर्लक्ष केले जात असल्याचा संशय शेलार यांनी व्यक्त केला आहे.