Shaniwar Wada Controversy : नमाज पठणावरून मेधा कुलकर्णी आक्रमक, शनिवारवाड्यात हिंदू संघटनांचं आंदोलन

पुण्यातील ऐतिहासिक शनिवार वाड्यात (Shaniwar Wada) काही महिलांनी नमाज पठण केल्याचा व्हिडिओ व्हायरल झाल्यानंतर खासदार मेधा कुलकर्णी (MP Medha Kulkarni) यांच्या नेतृत्वात हिंदू संघटनांनी आंदोलन केले. 'आम्ही प्रशासनाला शेवटची आठवड्याची मुदत देत आहोत, त्यांनी कारवाई केली नाही तर आम्हाला कोणी अडवू शकणार नाही', असा थेट इशारा मेधा कुलकर्णी यांनी दिला आहे. आंदोलकांनी गोमूत्र शिंपडून वाड्याचे शुद्धीकरण केले आणि वाड्यासमोरील दर्गा अनधिकृत असल्याचा दावा करत तो हटवण्याची मागणी केली. या दर्ग्याला लावलेले झेंडे काढून तिथे भगवा झेंडा लावणार असल्याचेही कुलकर्णी म्हणाल्या. या प्रकारामुळे परिसरात तणावाचे वातावरण निर्माण झाले असून पोलिसांचा मोठा बंदोबस्त तैनात करण्यात आला आहे.