Sanjay Raut यांच्या पोकळ धमक्यांना भाजप घाबरत नाही : भाजप नेते Prasad Lad : ABP Majha

संजय राऊत यांच्या पोकळ धमक्यांना भाजपा घाबरत नाही, अरे ला कारे करायची ताकद भाजपमध्ये आहे, भाजप नेते किरिट सोमय्या यांच्या मागे भाजपा पुर्ण ताकदीने आणि ठाम पणे उभी आहे असं सष्ट मत भाजपचे प्रदेश उपाध्यक्ष प्रसाद लाड यांनी सष्ट केलंय. संजय राऊत यांना भाजप प्रदेश उपाध्यक्ष प्रसाद लाड यांचे थेट आव्हान दिलंय. संजय राऊत यांच्या अशा धमक्या देणं बंद करा असे कागदी वाघ बाजारात खुप फिरायला लागलेत असा टोला देखिल प्रसाद लाड यांनी संजय राऊत यांना लगावलाय. घोटाळे केलेत म्हणुन घोटाळे बाहेर येतायत, घोटाळे केले नसते तर ते बाहेर आले नसते, न्यायव्यवस्था अजून जिवंत, महाराष्ट्राचा तालीबान अजून झाला नाही असा टोला देखिल प्रसाद लाड यांनी लगावलाय. ज्या कुणावर आरोप झाले त्यांनी न्यायालयीन लढा देणं आवश्यक मात्र अशा धमक्या देणं योग्य नाही असं मतहि प्रसाद लाड यांनी व्यक्त केलंय.

ईडीचा वापर केंद्र सरकार करतय या राष्ट्रवादी अध्यक्ष शरद पवार यांच्या विधानाचा समाचार प्रसाद लाड यांनी घेतला. ईडीची हि पक्षाची यंत्रणा नाही, तर ती स्वायत्त यंत्रणा आहे हे शरद पवार साहेबांनी समजून घेतलं पाहिजे, स्थानिक यंत्रणेची मदत घेवून ईडी कारवाई करते असं देखिल मत प्रसाद लाड यांनी सष्ट केलं. चिपी विमानतळ उदघाटनावरून प्रसाद लाड यांचा शिवसेना खासदार विनायक राऊतांवर प्रहार केलाय. विनायक राऊत यांचे ज्ञान कमी आहे. कुठल्याही विमानतळाचे उदघाटन  केंद्राच्या परवानगी होतं हे कदाचित राऊत यांना माहित नाही. त्यामुळे ज्या कार्यक्रमाला केंद्रीय उडान मंत्री येत आहेत तो अधिकृत उदघाटन सोहळा आहे, एवढं वर्ष करून दाखवलं म्हणणाऱ्यांनी कोकणाच्या तोंडाला पाने पुसली, कुठल्या हि प्रकारे भांडण न करता खासदार विनायक राऊत यांनी ९ आँक्टोबरच्या उदघाटनाला यावं असं भाजप प्रदेश उपाध्यक्ष प्रसाद लाड यांनी सष्ट केलं.