Beed : घर वाचवताना तरुणाने गमावला जीव, गॅस सिलेंडरचा स्फोट झाल्यानं मृत्यू ABP Majha

बीडमध्ये एका तरुणाला आपलं घर वाचवताना जीव गमावावा लागलाय. रवी तिडके असं या तरुणाचं नाव आहे. धारूर तालुक्यातील पिंपरवाडा येथे ऊसतोड कामगारांच्या दोन घरांना अचानक आग लागली होती. यावेळी एका घरामध्ये रवी तिडके आणि त्याचे भावंडं बसले होते. आग लागताच रवीनं आपल्या भावंडांना सुखरुप बाहेर काढले. त्यानंतर रवी आपल्या घरातील आग पाण्यानं विझवत असताना अचानक गॅस सिलेंडरचा स्फोट झाला. यावेळी सिलेंडरचे उडालेले रेग्युलेटर हे छातीत घुसल्याने रवी तिडकेचा जागीच मृत्यू झाला.