Atal Setu Under Fire: 'फेकनाथ मिंधे, भाजप सरकार भ्रष्टाचारानं माखलंय', आदित्य ठाकरेंचा घणाघात

मुंबईतील अटल सेतूवर (Atal Setu) एमएमआरडीएकडून (MMRDA) डागडुजीचे काम सुरू झाल्याने राजकीय वाद पेटला आहे. यावरून आदित्य ठाकरे (Aaditya Thackeray) आणि वर्षा गायकवाड (Varsha Gaikwad) यांनी शिंदे-फडणवीस सरकारवर जोरदार टीका केली आहे. ‘जगात कुठल्याच देशामध्ये असा भ्रष्टाचार सहन केला जात नसेल, फेकनाथ मिंधे, भाजप सरकार भ्रष्टाचारानं माखलंय,’ असा थेट आरोप आदित्य ठाकरे यांनी केला आहे. मागच्या वर्षी उद्घाटन झालेल्या या पुलावर काही भागांमध्ये रस्ता खराब झाल्याने एमएमआरडीएने हे काम हाती घेतले आहे. पहिल्या टप्प्यात तिसऱ्या आणि चौथ्या लेनचे काम केले जाणार आहे. अवघ्या दोन वर्षांच्या आत पुलावर दुरुस्तीची वेळ आल्याने हे सरकार जनतेला कसे गृहीत धरत आहे, याचे हे उदाहरण असल्याची टीका काँग्रेस नेत्या वर्षा गायकवाड यांनी केली आहे. या कामामुळे पुलाच्या बांधकामाच्या गुणवत्तेवर प्रश्नचिन्ह निर्माण झाले आहे.