Money Laundering प्रकरणी Anil Parab यांना ED चं दुसरं समन्स, 28 सप्टेंबरला हजर राहावं लागणार

किरीट सोमय्या यांनी मागील काही दिवसांपासून महाविकास आघाडीतील मंत्री आणि नेत्यांच्या घोटाळ्यांबाबत पत्रकार परिषदा घेऊन आरोप करण्याची मालिका सुरु केली आहे. सोमय्यांनी अनिल परब यांनाही सातत्याने लक्ष्य करून अनिल देशमुख प्रकरणात परब यांचाही सहभाग असल्याचा आरोप करत केला होता. याशिवाय परब यांचे दापोलीतील हॉटेल तसेच परिवहन विभागातील बदल्यांच्या प्रकरणावरूनही सोमय्या यांनी गंभीर आरोप केले आहेत. त्यामुळेच परब यांनी सोमय्या यांना 14 सप्टेंबर रोजी नोटीस पाठवली होती. 72 तासांच्या आत सोशल मीडियावरील सर्व पोस्ट डिलीट करण्याचा तसेच बिनशर्त माफी मागण्याचा इशाराही या नोटीसीतून देण्यात आला होता. मात्र, सोमय्या यांनी माफी न मागितल्यामुळे मंगळवारी परब यांच्यावतीने अॅड. सुषमा सिंग यांनी मुंबई उच्च न्यायालयात 100 कोटींचा अब्रुनुकसानीचा दावा करणारी याचिका दाखल केली आहे.