Anil Deshmukh Fake Attack | पोलिसांच्या तपासात 'हल्ला' खोटा, B Final Report कोर्टात सादर

अनिल देशमुख यांच्यावर विधानसभा प्रचारादरम्यान झालेल्या हल्ल्याचा दावा पोलिसांनी खोटा ठरवला आहे. पोलीस आणि फॉरेन्सिक तपासात हा हल्ला खोटा असल्याचे स्पष्ट झाले आहे. या संदर्भात पोलिसांनी न्यायालयात 'B Final Report' सादर केला आहे. अनिल देशमुख आज सकाळी नऊ वाजता माध्यमांशी बोलणार आहेत. पोलिसांच्या 'B Final Report' मध्ये अनेक महत्त्वाचे निष्कर्ष समोर आले आहेत. अनिल देशमुख यांच्या कारसमोरची काच 'रेनफोर्स' तंत्राच्या सहाय्याने तयार करण्यात आली होती. समोरून दगड मारल्यावर काच तडकली असती, मात्र तुटली नसती, असे अहवालात म्हटले आहे. काच तुटल्यावर जशी जखम होते, तशी जखम देशमुखांना झालेली दिसत नाही. तसेच, देशमुखांच्या गाडीत मिळालेला दगड हा मागच्या बाजूने आल्याचे सांगण्यात आले होते, मात्र मागच्या बाजूने आलेला दगड डोक्याच्या समोरील बाजूस लागणे अशक्य असल्याचा निष्कर्ष तपासात आहे. अनिल देशमुख यांनी स्पष्ट केले की, "कारची काच फुटल्यामुळे कपाळावर जखम झाली होती." या अहवालामुळे या प्रकरणाला नवीन वळण मिळाले आहे.