Amravati Central Jail : अमरावती मध्यवर्ती कारागृहात बाॅम्बसदृश्य स्फोट झाल्याने खळबळ

Amravati Central Jail :  अमरावती मध्यवर्ती कारागृहात बाॅम्बसदृश्य स्फोट झाल्याने खळबळ  मध्यवर्ती कारागृहात (Amravati Central Jail) रात्री अचनाक झालेल्या स्फोटानं अमरावती (Amravati News) पूर्णतः हादरुन गेलं आहे. अमरावतीच्या मध्यवर्ती कारागृहात बॉम्ब सदृश्य स्फोट झाल्यानं मोठा स्फोट झाला आणि एकच खळबळ उडाली. सुदैवाची बाब म्हणजे, या स्फोटात कोणतीही जिवीतहानी झालेली नाही. शनिवारी रात्री 8.30 च्या सुमारास ही घटना घडल्याची माहिती मिळत आहे. अमरावतीचे सीपी-डीसीपी आणि बॉम्ब निकामी पथकासह वरिष्ठ पोलीस अधिकाऱ्यांनी या घटनेचा तपास सुरू केला आहे.   मिळालेल्या माहितीनुसार, रात्री अचनाक अमरावतीच्या मध्यवर्ती कारागृहात मोठा स्फोट झाला. स्फोटाचा मोठा आवाज झाल्यानंतर आसपासच्या परिसरात एकच खळबळ उडाली. 6 आणि 7 क्रमांकाच्या बॅरेकसमोर हा स्फोट झाल्याचं सांगितलं जात आहे. रात्री 8.30 च्या सुमारास कारागृहात फटाक्यांची आतषबाजी किंवा बॉम्ब फुटल्याप्रमाणे मोठा आवाज ऐकू आला. त्यानंतर कारागृह परिसरात एकच खळबळ उडाली. घटनेची माहिती मिळताच कारागृह अधिकारी आणि अमरावती पोलीस आयुक्त आणि डीसीपीसह बॉम्ब निकामी पथक घटनास्थळी पोहोचले.