Pune Land Deal : ज्या व्यवहारांची नोंदणी करताच येत नाहीत तो झालाच कसा? अजित पवारचं बुचकळ्यात

उपमुख्यमंत्री अजित पवार (Ajit Pawar) यांनी त्यांचे पुत्र पार्थ पवार (Parth Pawar) यांच्या कंपनीच्या पुणे जमीन खरेदी (Pune Land Deal) प्रकरणावर अखेर मौन सोडले आहे. 'या व्यवहाराचं खरेदी खत नेमकं कसं केलं हे कळलं नसून त्याची चौकशी होणार असल्याचं', अजित पवार यांनी स्पष्ट केले. पुण्यातील मुंढवा येथील सरकारी मालकीच्या जमिनीच्या खरेदी-विक्री व्यवहारात अनियमितता झाल्याच्या आरोपांवर बोलताना त्यांनी आपली भूमिका मांडली. या प्रकरणाची चौकशी करण्यासाठी सरकारने एक समिती स्थापन केली असून, ती एका महिन्यात आपला अहवाल सादर करेल. निवडणूक जवळ आली की विरोधक बदनामी करण्यासाठी असे आरोप करतात, असा पलटवारही अजित पवार यांनी केला आहे. या प्रकरणात कोणताही गैरप्रकार खपवून घेतला जाणार नाही आणि दोषींवर कारवाई केली जाईल, असेही त्यांनी ठामपणे सांगितले.