Mundhwa Land Deal: 'एक रुपयाचाही व्यवहार नाही', मुलगा Parth Pawar साठी Ajit Pawar मैदानात

मुंढवा जमीन गैरव्यवहार प्रकरणी उपमुख्यमंत्री अजित पवार (Ajit Pawar) आणि त्यांचे पुत्र पार्थ पवार (Parth Pawar) यांच्यावर विरोधकांकडून टीका सुरूच आहे. या प्रकरणी चौकशी समिती स्थापन झाली असून व्यवहार रद्द करण्यात आला आहे. 'एक रुपयाचाही व्यवहार न करता केवळ कागदोपत्री व्यवहार कसा होऊ शकतो', असा थेट सवाल करत अजित पवारांनी आपल्या मुलाची बाजू घेतली आहे. चौकशी समितीचा अहवाल महिन्याभरात येईल आणि सत्य समोर येईल असेही ते म्हणाले. निवडणुका जवळ आल्या की आपल्या कुटुंबावर आरोप केले जातात, असा दावाही त्यांनी केला. या प्रकरणात FIR दाखल झाला असला तरी, पार्थ पवार यांचे नाव त्यात नाही. व्यवहार रद्द करण्यासाठी आता पार्थ पवार यांच्या कंपनीला सुमारे ४२ कोटी रुपयांचा मुद्रांक शुल्क भरावा लागणार आहे.