Aaditya Thackeray Majha Vision | मविआत मुख्यमंत्रिपदाचा चेहरा कोण असेल? आदित्य ठाकरे म्हणाले...

Aaditya Thackeray Majha Vision | मविआत मुख्यमंत्रिपदाचा चेहरा कोण असेल? आदित्य ठाकरे म्हणाले...
मुंबई :  आदित्य ठाकरे यांनी एबीपी माझाच्या माझा महाराष्ट्र, माझं व्हिजन या विशेष कार्यक्रमात महाराष्ट्रानं महाविकास आघाडीचं सरकार आणायचं ठरवलं आहे, ते येणार असा विश्वास व्यक्त केला. जनता आमच्यासोबत आहे, हेच महत्त्वाचं आहे. पाचोरा, महाड, परभणी, मुंबईत फिरतोय, लोकांनी आम्हाला परत या, असं सांगितल्याचं आदित्य ठाकरे म्हणाले. आमचं नाव आणि चिन्ह कुणाला द्यायचं ही निवडणूक आयोगाची जबाबदारी होती, त्यात अन्याय झाला. शिवसेना कुणाची हा प्रश्नच होऊ शकत नाही. शिवसेना नाव चोरलं, चिन्ह चोरलं, चोरानं काही तरी चोरलं तरी मालक होऊ शकत नाही.   कालपण आपण पाहिलं असेल, श्रीनिवास वणगा यांना उद्धव ठाकरेंनी त्यांना विधानसभेत निवडून आणलं होतं. आता विधानसभेला त्यांचं तिकीट कुणी कापलं, ते एकनाथ शिंदेंनी कापलं. विश्वासाघाताची परंपरा आमच्या कुटुंबात नाही, असं आदित्य ठाकरे म्हणाले. अनेक लोकांनी उद्धव ठाकरेंसाठी मतदान करायचं होतं, मात्र चुकून धनुष्यबाणावर झाल्याचं सांगितल्याचं आदित्य ठाकरेंनी म्हटलं.