Jalna Accident : प्रवासी भरलेली काळी-पिवळी विहिरीत पडली, थरारक अपघात

जालना :  जालन्यातील (Jalna Accident)   राजूर रोड वरील तुपेवाडी फाट्याजवळ भीषण अपघात झाला आहे.  तुपेवाडी फाट्याजवळ चारचाकी विहिरीत कोसळली आहे. काळी पिवळी जीप विहिरीत कोसळल्याने सहा जणांचा बुडून मृत्यू  झाला आहे.   गाडीत 12 लोक असण्याची शक्यता आहे. तर तीन जणांना बाहेर काढण्यात यश आले आहे. 

समोर आलेल्या माहितीनुसार, जालन्यातून काही प्रवासी  काळ्या- पिवळ्या जीपमधून राजूरच्या दिशेने जात होते. राजूरकडे जात असताना तुपेवाडी फाट्याजवळ हा अपघात झला आहे.  गाडीचा ब्रेक फेल झाल्याने ही काळी-पिवळी जीप रस्त्यालगतच्या  विहिरीत कोसळली. या विहीरीला कठडे नसल्याने जीप थेट विहिरीत गेली . जीप कोसळल्याची माहिती मिळताच काही ग्रामस्थांनी तात्काळ त्या दिशेने धाव घेतली. 12 ते 15 प्रवासी असल्याची माहिती आहे.  ग्रामस्थांच्या मदतीने मृतदेह बाहेर काढण्याचे काम सुरू आहे.