Sharad Pawar Jalgaon Full Speech :मोदींनी ९ वर्षांत काय केलं? शरद पवारांचा हल्लाबोल

Sharad Pawar Jalgaon Full Speech :मोदींनी ९ वर्षांत काय केलं? शरद पवारांचा हल्लाबोल 'मोदींनी ९ वर्षांत फोडाफोडीचं राजकारण केलं', शिवसेना, राष्ट्रवादी फोडली, तर यंत्रणांचा गैरवापर करुन विरोधकांना तुरुंगात टाकलं, शरद पवारांचा पंतप्रधान मोदींवर हल्लाबोल. इंडिया (I.N.D.I.A) नाव काढण्याबाबत आम्हाला माहीती नाही, मात्र इंडिया हे नाव हटविण्याचा कोणाला अधिकार नाही, तसेच हे नाव कोणीही हटवू शकत नाही. देशाच्या निगडित असलेल्या इंडिया नावाबाबत सरकार आणि सरकारशी संबंधित पक्षाच्या लोकांमध्ये एवढी अस्वस्थता का आहे? हे मला समजत नाही, असे सांगत उद्याच्या इंडिया बैठकीत यावर चर्चा करू अशी माहिती राष्ट्रवादीचे नेते शरद पवार (Sharad Pawar) यांनी दिली. राष्ट्रवादीचे अध्यक्ष शरद पवार (Sharad Pawar) आज जळगाव (Jalgaon) दौऱ्यावर असून शहरातील सागर पार्क येथे जाहीर सभा होत आहे. या पार्श्वभूमीवर आज सकाळी त्यांनी माध्यमांशी संवाद साधला. त्यावेळी ते बोलत होते. सुरुवातीला राज्यातील दुष्काळ सदृश्य (Maharashtra Drought) परिस्थितीवर शरद पवार यांनी भाष्य केल्यानंतर अनेक विषयांवर प्रतिक्रिया दिली. यात इंडिया हे नाव काढण्यावरून सध्या केंद्र सरकारच्या हालचाली सुरु असल्याच्या चर्चा आहेत. यावर शरद पवार यांनी केंद्र सरकारला इशारा देताना 'इंडिया हे नाव हटवायचा कुणाला अधिकार नाही, हे नाव कोणीही हटवू शकत नाही' देशाच्या निगडित असलेल्या इंडिया नावाबाबत  सरकार आणि सरकारशी संबंधित पक्षाच्या लोकांमध्ये एवढी अस्वस्थता का आहे? हे मला समजत नाही, असंही शरद पवार म्हणाले.