Tirupati : शिवरायांची मूर्ती असल्यानं अडवल्याचा दावा; व्हायरल व्हिडीओनंतर देवस्थानचं स्पष्टीकरण

Tirumala Tirupati Devasthan : आंध्र प्रदेशातील (Aandhra Pradesh) तिरुमाला तिरुपतीच्या दर्शनाला जात असताना गाडीमध्ये छत्रपती शिवाजी महाराजांची (Chhatrapati Shivaji Maharaj) मूर्ती असल्यानं चेकपोस्टवरुन पुढे जाऊ दिले नसल्याचा दावा एका व्यक्तीने केला होता. या व्यक्तीनं एक व्हिडीओ शेअर करत याबाबत दावा केला होता. यानंतर शिवप्रेमींमधून संताप व्यक्त केला जात होता. मात्र याबाबत आता तिरुमाला तिरुपती संस्थानकडून स्पष्टीकरण देण्यात आलं आहे. व्हायरल व्हिडिओमधून करण्यात आलेले आरोप खोटे असल्याचं संस्थाननं म्हटलं आहे.