Mucormycosis: कोरोनानंतर काळ्या बुरशीचा कहर ; कोणत्या राज्यात किती केसेस?
Download ABP Live App and Watch All Latest Videos
View In Appनवी दिल्ली : एकीकडे कोरोनाचं थैमान सुरु असताना आता देशासमोर नवीन संकट उभं राहिलं आहे. कोरोनानंतर आता म्युकरमायकोसिस म्हणजे काळी बुरशी या आजाराने डोकं वर काढलं आहे. म्युकरमायकोसिस या आजाराने गेल्या काही दिवसात हजारो लोकांना बाधा झाली आहे. आतापर्यंत हरियाणा, गुजरात, उत्तर प्रदेश आणि पंजाबसह 14 राज्यांत हा आजार साथीचा रोग जाहीर झाला आहे.
म्युकरमायकोसिस म्हणजेचं काळ्या बुरशीच्या सर्वाधिक केसेस गुजरातमध्ये आढळल्या आहेत गुजरातमध्ये आतापर्यंत 2281 लोकांना काळ्या बुरशीचा त्रास झाला आहे. याशिवाय महाराष्ट्रात 2000, आंध्र प्रदेशात 910, मध्य प्रदेशात 720, राजस्थानात 700, कर्नाटकात 500, दिल्लीत 197, उत्तर प्रदेशात 124, तेलंगणामध्ये 350, हरियाणामध्ये 250, पश्चिम बंगालमध्ये 6 आणि बिहारमध्ये 56 केसेस समोर आल्या आहेत. पश्चिम बंगालच्या कोलकाता येथील रुग्णालयात उपचार घेत असताना आज एका 32 वर्षीय महिलेचा काळ्या बुरशीमुळे मृत्यू झाला आहे.