GST compensation : दिवाळीच्या आधी केंद्राकडून राज्यांना जीएसटीचे 17 हजार कोटी रुपये वितरित ABP Majha

दिवाळीच्या आधी केंद्र सरकारनं जीएसटीची काही थकीत रक्कम वितरित करून राज्यांना दिलासा दिलाय. केंद्रानं काल वितरित केलेल्या १७ हजार कोटी रुपयांपैकी महाराष्ट्राच्या वाट्याला ३०५३ कोटी इतकी रक्कम आली आहे. महाराष्ट्राच्या वाट्याचे जीएसटीचे ३० हजार कोटी रुपये केंद्राकडे थकीत असल्याचं उपमुख्यमंत्री अजित पवार यांनी म्हटलं होतं. त्यातले सुमारे ३ हजार कोटी रुपये मिळाल्यानं राज्याला काहीसा दिलासा मिळाला आहे. कर्नाटकला १६०२ कोटी, गुजरातला १४२८ कोटी आणि उत्तर प्रदेशला १४१७ कोटी इतका निधी वितरित करण्यात आला आहे.