Amit Shah Car Number : केंद्रीय गृहमंत्री अमित शाह यांच्या गाडीचा नंबर किती?

Amit Shah Car Number : केंद्रीय गृहमंत्री अमित शाह यांच्या गाडीचा नंबर किती?  
भाजपची काल 29 फेब्रुवारीला दिल्लीतील पक्ष मुख्यालयात  बैठक झाली. यावेळी केंद्रीय गृहमंत्री अमित शहा आणि भाजपचे राष्ट्रीय अध्यक्ष जेपी नड्डा दिल्लीतील पक्ष मुख्यालयात भाजपच्या बैठकीसाठी पोहोचले. त्यावेळी अमित शाह यांच्या गाडीच्या नंबरची चर्चा सुरु होती. अमित शाहांच्या गाडीच्या नंबरमध्ये CAA आहे. या नंबरप्लेटवरील अक्षरं आणि नागरीकत्व कायदा अर्थात CAA याच्याशी संबंध जोडला जात आहे.   नागरिकत्व सुधारणा कायदा अर्थात CAA नियम मार्चच्या पहिल्या आठवड्यापासून लागू होण्याची शक्यता आहे. सरकारी सूत्रांनी दिलेल्या माहितीनुसार, CAA चे सुधारित नियम मार्च महिन्याच्या पहिल्या आठवड्यात लागू केले जाऊ शकतात. नागरिकत्व सुधारणा कायदा नियम (CAA) अंतर्गत बांगलादेश, पाकिस्तान आणि अफगाणिस्तानमधील छळ झालेल्या गैर-मुस्लिम स्थलांतरितांना भारतीय नागरिकत्व देण्याची तरतूद करण्यात आली आहे. त्यामध्ये हिंदू, शीख, जैन, बौद्ध, पारशी आणि ख्रिश्चन, जे 31 डिसेंबर 2014 पर्यंत भारतात आले आहे त्यांना नागरिकत्व देण्यात येणार आहे.  CAA डिसेंबर 2019 मध्ये संसदेनं मंजूर केला होता. कायदा मंजूर झाल्यानंतर आणि राष्ट्रपतींनी मंजूरी दिल्यानंतर देशाच्या काही भागांत मोठ्या प्रमाणात निदर्शनं करण्यात आली होती.