Ganpati Decoration | गोधडी, माती, औषधी वनस्पतींपासून बाप्पाची आरास, शून्य रुपये खर्चात इको-फ्रेंडली सजावट!

लॉकडाऊन आणि कोरोना संकटामुळे अनेकांना गणपती बाप्पांसाठी यंदा काय आरास करायची हा प्रश्न पडला आहे. घरगुती गणपतीच्या देखाव्याचं बजेटही यंदा कमी झालं आहे. सामान्यावर आर्थिक संकट ओढावल्याने अनेकांनी खर्च टाळण्यासाठी घरच्याघरीच मूर्ती तयार केली आहे. मात्र, दादरच्या कलादिग्दर्शक सुमित पाटीलनं आयुर्वेदिक आणि नैसर्गिक साधनांतून गणेशाचं अनोखं घर साकारलंय. घरातच शिवलेल्या गोधडीचा गणपतीबाप्पा, मातीचं घर आणि औषधी वनस्पतींची आरास असा निसर्गातून निसर्गाकडे नेणारा देखावा शून्य रुपये खर्चात साकारला गेलाय.