Chandrakant Patil meets Governor | चंद्रकांत पाटलांनी घेतली राज्यपालांची भेट, सदिच्छा भेट असल्याची माहिती

आज सकाळी साडेदहा वाजता चद्रकांत पाटील यांनी राज्यपाल भगतसिंह कोश्यारी यांची भेट घेतली. जवळपास 45 मिनिटे दोघांमध्ये चर्चा झाली. मात्र ही अनौपचारिक भेट होती. या भेटीदरम्यान विधानपरिषदेबाबत चर्चा झाली नसल्याचे चंद्रकांत पाटील यांनी म्हटलं आहे. कोरोनाच्या परिस्थितीमुळे राज्यपालांची भेट घेणे टाळले होते. गेल्या आठवड्यात आमची भेट ठरली मात्र काही कामानिमित्त ते गोव्याला गेल्याने भेट टळली. राज्यपालांनी महाराष्ट्रातील कोरोना परिस्थिती, भाजप कार्यकर्त्यांचे मृत्यू याबाबत विचारणा केल्याचे चंद्रकांत पाटील यांनी एबीपी माझाला सांगितले.