Kalyan Fire | कल्याणच्या गोदरेज हिल परिसरातील सोसायटीमध्ये आग, आगीत संपूर्ण फ्लॅट जळून खाक

कल्याणच्या गोदरेज हिल परिसरातील सोसायटीमधील एक फ्लॅट आगीत खाक झाला. अग्निशमन दलाच्या गाड्या वेळेवर पोहचल्यानं मोठी दुर्घटना होता होता टळलीय. या सोसायटीतील एका फ्लॅटच्या एसीमध्ये तांत्रिक बिघाड झाला. एसीत झालेल्या शॉर्टसर्कीटमुळे आग संपूर्ण घरात पसरली. ही आग एवढी मोठी होती की घराच्या गॅलरीतून वरच्या गॅलरीपर्यंत पसरू लागली. मात्र,अग्निशमन दल वेळेवर पोहचल्यानं आगीवर नियंत्रण मिळण्यात यश आलं. दरम्यान या उच्चभ्रू सोसायटीतील अग्निशमन यंत्रणा सुस्थितीत नसल्याची माहितीही समोर येत आहे.