J P Nadda | जे पी नड्डा भाजपचे कार्यकारी अध्यक्ष, भाजपच्या संसदीय बोर्डाचा निर्णय | नवी दिल्ली | ABP Majha

जे. पी. नड्डा यांची भाजपच्या कार्यकारी अध्यक्षपदी नियुक्ती करण्यात आलीय. अमित शाह यांच्या खांद्यावर केंद्रीय गृहमंत्रिपदाची धुरा सोपवण्यात आल्यानं, अध्यक्षपदी कुणाची वर्णी लागणार याकडे राजकीय वर्तुळाचं लक्ष लागलं होतं. शर्यतीत सर्वात आघाडीवर असणाऱ्या जे. पी. नड्डा यांची मोदींच्या उपस्थितीत कार्यकारी अध्यक्ष म्हणून घोषणा करण्यात आली.  दरम्यान भाजपचे राष्ट्रीय अध्यक्ष अमित शाहच असणार आहेत. एकीकडे भाजपनं अध्यक्षाची घोषणा केली असली तरी काँग्रेसला मात्र अध्यक्ष सापडत नाही आहे. काँग्रेसच्या वरिष्ठ नेत्यांनी विनवणी करूनही राहुल गांधी अध्यक्षपदाच्या राजीनाम्यावर ठाम आहेत.. त्यामुळं काँग्रेसच्या राष्ट्रीय अध्यक्षपदी कुणाची नियुक्ती करायची याबाबत काँग्रेसमध्ये अजूनही संभ्रम पाहायला मिळतोय.