नवी दिल्ली : पेट्रोल दरवाढीची मालिका सलग दहाव्या दिवशी कायम

दरवाढीची मालिका कायम ठेवत पेट्रोल आज सलग दहाव्या दिवशी महाग झालं आहे. पेट्रोलच्या दरात आजही पुन्हा 30 पैशांची वाढ केली गेली आहे. त्यामुळे मुंबईतला आजचा दर लीटरमागे 85 रुपये इतका झाला आहे. पुढच्या काही दिवसात पेट्रोल शंभरी गाठेल, असा उपरोधिक सूर सोशल मीडियातून उमटतो आहे. आज उस्मानबादसह अनेक ठिकाणी काँग्रेसकडून इंधनदरवाढीचा निषेध करण्यात आला. काल यासंदर्भात दर कमी होण्याचे संकेत सरकारकडून मिळत होते. मात्र अद्याप यावर कोणताही निर्णय झालेला नाही.