नाशिक : बाजार समितीत 1 रुपयाला 1 भोपळा, बळीराजावर भाजीपाला फेकण्याची वेळ
Continues below advertisement
शेतीपिकांना योग्य बाजारभाव मिळत नसल्यानं नाशिक कृषी उत्पन्न बाजार समितीत भोपळा अक्षरश: फेकून देण्याची वेळ बळीराजावर आली आहे. एक रुपयाला एक भोपळा विकला जात असल्यानं उत्पादन आणि दळणवळण खर्चही भरून निघत नसल्यानं शेतकरी बाजार समितीच्या आवारातच भोपळा फेकून घरी परतले आहेत. भोपळ्यासारखीच स्थिती वांगे, मेथी, कोथिंबीर या भाजीपाल्याबाबतही आहे. वांगी 5 ते 11 रुपये किलो, कोबी, फ्लॉवर 2 ते 7 रुपये किलो, तर पालेभाज्यांना जुडीला 4 ते 10 रुपये इतका दर मिळतो आहे. तर, आज होळीनिमित्त परराज्यातील अनेक बाजारपेठा बंद राहणार असल्यामुळे नाशिकच्या शेतमालाला उठाव नसल्याचा दावा बाजार समितीकडून करण्यात आला आहे.
Continues below advertisement