नाशिक : नाशिककरांच्या पदरी निराशा; मुंबई, पुण्यासाठीची विमान उड्डाणं रद्द

नाशिकहून मुंबई, पुण्यासाठी आजपासून सुरु होणारी विमानसेवा पुन्हा रद्द करण्यात आली आहे. त्यामुळे नाशिककरांचं हवेत उडण्याचं स्वप्न तूर्तास तरी भंगल आहे आणि त्यांच्या पदरी निराशाच आली आहे. आजपासून नाशिकहून विमान सेवा सुरु होणार होती. मात्र, तांत्रिक कारणामुळे विमान सेवाच रद्द करण्यात आल्याची माहिती अधिकाऱ्यांनी दिली आहे. तर एअर डेक्कन कंपनी मनमानी कारभार करत आहे. त्यामुळे या कंपनीला काळ्या यादीत टाकण्याची मागणी नाशिकचे खासदार हेमंत गोडसे यांनी केली आहे.