नाशिक : सुपर स्पेशालिटी रुग्णालय व्हेंटिलेटरवर, आयसीयूतले एसी 15 दिवसांपासून बंद

नाशिक विभागातील ५ जिल्ह्यांचं मिळून असलेल्या सुपर स्पेशालिटी हॉस्पिटलमधल्या आयसीयूमधील स्थिती ऐकली तरी अंगावर काटा येईल. मागच्या पंधरा दिवसांपासून या रूग्णालयाच्या अतिदक्षता विभागातील वातानुकुलीत व्यवस्था बंद पडली आहे. त्यामुळे अॅडमिट असलेले रूग्ण एकतर स्वखर्चानं पंखे आणत आहेत. नाहीतर आहे त्या अवस्थेत उपचार घेण्याशिवाय त्यांच्याकडे दुसरा पर्यायही नाही. गंभीर बाब म्हणजे आयसीयूमधल्या उपकरणांसाठी ठराविक तापमानाची गरज असते. मात्र सगळे नियम धाब्यावर बसवत बंद पडलेल्या एसीतच रूग्णांना उपचार देणं सुरू आहे. सूपर स्पेशालिटी रूग्णालयातच ही अवस्था असेल तर रूग्णांनी कुणाकडे बघावं असा प्रश्न उपस्थित होत आहे.