नाशिक : राष्ट्रवादीच्या उत्तर महाराष्ट्रातील हल्लाबोल यात्रेचा आज समारोप

राष्ट्रवादी काँग्रेसच्या उत्तर महाराष्ट्रातील हल्लाबोल यात्रेचा आज नाशिकमध्ये समारोप होत आहे. राष्ट्रवादीचे अध्यक्ष शरद पवार यांची हुतात्मा अनंत कान्हेरे मैदानावर जाहीर सभा होणार आहे. यावेळी पक्षाचे सर्व प्रमुख नेते उपस्थित राहतील. या सभेसाठी मोठी तयारी करण्यात आली आहे. सर्वत्र मोठमोठे होर्डींग्स आणि पक्षाचे झेंडे लावून वातावरण निर्मिती करण्यात आलीय. दरम्यान, जिल्ह्यातील पक्षाचे नेते छगन भुजबळ यांच्या अनुपस्थितीत ही सभा होत असल्यानं, शरद पवार भुजबळ यांच्याविषयी तसंच राज्य आणि केंद्र सरकारवर काय बोलणार याकडे सर्वांचं लक्ष लागलं आहे.