VIDEO | हळदीच्या पूर्वसंध्येलाच नवरदेवाची गळफास घेऊन आत्महत्या | नाशिक | एबीपी माझा

ऐन लग्नाच्या तोंडावर नवरदेवाने गळफास घेऊन आत्महत्या केल्याची धक्कादायक घटना नाशकात समोर आली आहे. हळदीच्या आदल्या दिवशी निखिल देशमुख या नवरदेवाने आयुष्य संपवलं. निखिल देशमुखचा विवाह आज (शनिवार) नाशिक शहरातील एका प्रतिष्ठित कुटुंबातील तरुणीशी होणार होता. नाशकातील हिरावाडी परिसरात देशमुख कुटुंब वास्तव्यास होतं. सातपूर परिसरातील कंपनीत तो नोकरी करत होता. त्यामुळे कंपनीजवळ बळवंतनगरमधील एका फ्लॅटमध्ये निखिल राहत होता. गुरुवारी एकीकडे घरात लग्नाची जय्यत तयारी सुरु असताना फ्लॅटवर त्याने आपलं आयुष्य संपवलं.