नाशिक : पाचव्या मजल्यावरुन मुलगी अंगावर पडल्याने वडिलांचा मृत्यू

नाशकात घडलेल्या हृदयद्रावक घटनेत लेकीचे प्राण बचावले, मात्र वडिलांचा दुर्दैवी मृत्यू झाला. पाचव्या मजल्यावरुन पडल्यानंतरही मुलगी वाचली, मात्र ती वडिलांच्या अंगावर पडल्यामुळे त्यांना जीव गमवावा लागला.

नाशिकमधील सामनगाव रोडवरील जयप्रकाश नगरमध्ये गुरुवारी रात्री ही घटना घडली. विजय गोधडे असं या घटनेत मृत्युमुखी पडलेल्या वडिलांचं नाव असून चौदा वर्षांची मुलगी सुनंदा गोधडे जखमी झाली आहे.

विजय गोधडे यांच्या पुतणीच्या हळदीच्या कार्यक्रम होता, त्यावेळी ही घटना घडली. या प्रकरणी नाशिकरोड पोलिस ठाण्यात अकस्मात मृत्यूची नोंद करण्यात आली आहे.