Dattu Bhoknal | रोईंगपटू दत्तू भोकनळविरोधात फसवणुकीचा गुन्हा | स्पेशल रिपोर्ट | नाशिक | ABP Majha

राष्ट्रीय रोईंगपटू आणि लष्कराचा जवान दत्तू भोकनळविरोधात फसवणूक तसंच शारीरिक आणि मानसिक त्रास दिल्याप्रकरणी गुन्हा दाखल झाला आहे. महिलेच्या तक्रारीनंतर त्याच्याविरोधात आडगाव पोलिस स्टेशनमध्ये गुन्ह्याची नोंद झाली आहे. महिलेने पोलिसांना दिलेल्या तक्रारीनुसार, "2015 मध्ये दत्तूला आर्मीमध्ये मेडल मिळाल्याने चांदवडमध्ये गावकऱ्यांनी त्याचा सत्कार ठेवला होता. तेव्हा त्याची आणि माझी ओळख होऊन मैत्री झाली. काही दिवसांनी मैत्रीचं रुपांतर प्रेमात होऊन आम्ही लग्न करण्याचा निर्णय घेतला. त्यानुसार आम्ही दोघांनी डिसेंबर 2017 मध्ये पुण्याच्या आळंदीला जाऊन एका कार्यालयात हिंदू पद्धतीने लग्न केलं. मात्र याबाबत कुठेही वाच्यता न करता काही दिवसांनी दोघांकडच्या नातेवाईकांसमक्ष गावी लग्न करायचं आम्ही ठरवलं.