नाशिक : ड्रॅग्ज रॅकेटचा पर्दाफाश, मुख्य सूत्रधार उत्तर प्रदेशातून अटकेत

ड्रग्ज रॅकेटचा पर्दाफाश करण्यात नाशिक पोलिसांना यश आलं असून मुख्य सूत्रधाराच्या मुसक्याही पोलिसांनी आवळल्या आहेत. एमडी ड्रग्ज तयार करुन त्याची विक्री करणाऱ्या एका असिस्टंट रिसर्च सायंटिस्टला नाशिक क्राईम ब्रँचने उत्तर प्रदेशच्या मुझफ्फरनगरमधून अटक केली. एमडी ड्रग्जची ज्या ठिकाणी निर्मिती केली जात होती, तो पालघर जिल्ह्यातील बोईसरमधील अड्डाही पोलिसांनी उध्वस्त केला.