नाशिक : देवळाली कॅम्प परिसरात बिबट्याचा धुमाकूळ

नाशिकमधल्या देवळाली कँप परिसरात एका बिबट्याने धुमाकूळ घातला आहे. कँप परिसरातील एका बंगल्यात घुसून बिबट्याने कुत्र्याला ठार मारलं. बिबट्याचा वावर घरांपर्यंत आल्याने नागरिकांमध्ये धडकी भरली आहे. बिबट्याचा वावर नागरिकांच्या जीवावर बेतू शकतो, म्हणून कँप परिसरातील बिबट्याचा तात्काळ बंदोबस्त करण्याची मागणी केली जात आहे. वारंवार तक्रारी करुनही वनविभागाकडून या भागात दुर्लक्ष करण्यात येत असल्याचा आरोप नागरिकांनी केला आहे.