नाशिक : आदिवासी विद्यार्थ्यांवर पोलिसांची दंडुकेशाही, 'माझा'च्या चमूलाही धक्काबुक्की

आपल्या हक्कासाठी तब्बल चार दिवसांपासून पायपीट करणाऱ्या आदिवासी विद्यार्थ्यांना डांबण्याचा पराक्रम नाशिक जिल्ह्यातील सिन्नर पोलिसांनी केला आहे. या विद्यार्थ्यांची बाजू जाणून घेत असलेल्या एबीपी माझाच्या प्रतिनिधींनाही पोलिसांनी धक्काबुक्की केली आणि कॅमेराची तोडफोड करण्यात आली. पुण्याहून नाशिकला निघालेला आदिवासी विद्यार्थ्यांचा मोर्चा आज सिन्नर पोलिसांनी नांदूरमध्ये अडवला. सर्व आंदोलकांना पोलिसांनी ताब्यात घेऊन हा मोर्चा दडपण्याचा प्रयत्न केला. खरं तर गेल्या 4 दिवसांपासून ही मुलं भर पावसामध्ये पुण्याहून चालत निघाली होती. आपल्या साध्या मागण्या आदिवासी विकास महामंडळाच्या मुख्य अधिकाऱ्यांपर्यंत पोहोचवण्याचा त्यांचा इरादा होता. पण पोलिसांनी शांततेत चाललेल्या या विद्यार्थ्यांवर दंडुकेशाही सुरु केली.