नालासोपारा : किर्ती हायस्कूलमधील शिक्षिकेची जुळ्या भावंडांना अमानुष मारहाण

नालासोपाऱ्यात किर्ती हायस्कूलमध्ये शिकणाऱ्या जुळ्या भावंडांना शिक्षिकेने मारहाण केल्याची घटना घडली आहे. यात एका विद्यार्थ्याच्या बोटाला गंभीर दुखापत झालीये. निष्ठूर शिक्षिकेने इतक्या जोरात मारलंय की, बोटावर जखम होऊन तीन टाके पडले आहेत. शाळेत गैरहजर असल्याच्या कारणावरुन संतापलेल्या शिक्षिकेने दोन्ही भावांना स्टिलच्या पट्टीने मारहाण केली आहे. याप्रकरणी शिक्षिका संगीता सोलंकीविरोधात गुन्हा दाखल झाला आहे. तर दुसरीकडे शाळेनेही शिक्षिकेविरोधात कडक कारवाईचे संकेत दिले आहेत.