नागपूर : शस्त्रास्त्रे विकणारी टोळी नागपूर पोलिसांकडून जेरबंद

नागपूर पोलिसांनी गुन्हेगारांच्या टोळीकडून मोठा शस्त्रसाठा जप्त केलाय. ५ रिव्हॉल्वर, २३ जिवंत काडतुसे, २ मॅगझीन आणि २ मोठे चाकू असा हा शस्त्रसाठा आहे. याप्रकरणी ४ जणांना अटक करण्यात आलीय. हे सर्व आरोपी बिहारमधल्या मोठ्या गुन्हेगारांकडून शस्त्रसाठा खरेदी करायचे आणि नागपूरात आणून विकायचे. ३५ हजार रुपयांना एक रिव्हॉल्वर ते विकत असत. यवतमाळमध्ये या टोळीने शस्त्रसाठा विकल्याचं समोर आल्यानंतर नागपूर पोलिस त्यांच्या मागावर होते. अखेर पोलिसांनी या टोळीला बेड्या ठोकल्या आहेत.