नागपूर : लोकसभा निवडणुकीत नितीन गडकरी विरुद्ध नाना पटोले?

नागपूरमध्ये येत्या लोकसभा निवडणुकीत केंद्रीय रस्ते विकास मंत्री नितीन गडकरी विरुद्ध नाना पटोले असा सामना रंगण्याची शक्यता आहे. भाजपवर नाराज झालेल्या पटोलेंनी काही दिवसापूर्वी भाजपला सोडचिठ्ठी देऊन काँग्रेसमध्ये प्रवेश केला. त्यानंतर आता काँग्रेसनं नितीन गडकरींची कोंडी कऱण्यासाठी रणनिती आखली आहे. आणि गडकरींच्याविरोधात नाना पटोलेंना उमेदवारी देण्याची तयारी केली आहे. खरं तर पटोले यांचा भंडारा-गोंदिया मतदारसंघ आहे. पण काँग्रेस आणि राष्ट्रवादीच्या जागा वाटपात हा मतदारसंघ राष्ट्रवादीच्या वाट्याला गेला आहे. त्यामुळे पटोलेंना नागपूरमधून उतरविण्याची तयारी केलीय.