नागपूर : पगारवाढीच्या मागणीसाठी सिटीबसचे चालक आणि वाहक संपावर

नागपूरकरांना आज मोठ्या त्रासाला समोरं जावं लागण्याची शक्यता आहे. कारण नागपूरमध्ये बस चालकांनी आज संप पुकारला आहे..वेतनवाढ करावी अशी बस चालकांची मागणी आहे. शिवसेना प्रणित भारतीय कामगार युनियनच्या चालक आणि वाहकांचा यामध्ये समावेश आहे. या संपामुळं शहरातल्या ३७५ सिटी बस बंद राहणार आहेत. सध्या मनपाकडून बस कर्मचाऱ्यांची मनधरणी करण्याचे प्रयत्न सुरु असल्याचं महापौर नंदा जिचकर यांनी सांगितलं आहे.
या संपामुळं आज नागपूरकरांना टॅक्सी किंवा रिक्षाचा पर्याय वापरावा लागणार आहे..