मुंबई : पाठलाग करुन हल्ला, भांडुपमधील गँगवॉरमध्ये 24 वर्षीय तरुण जखमी

मुंबईतील भांडुपमध्ये दिवसेंदिवस गुन्हेगारीच्या घटनांमध्ये वाढ होत आहे. शनीवारी रात्री झालेल्या एका गँगवॉरमधील हल्ल्यात 24 वर्षीय तरुण गंभीर जखमी झाला आहे. तेजस राऊत असं या युवकाचं नाव असून त्याच्यावर रुग्णालयातील अतिदक्षता विभागात उपचार सुरु आहेत. पूर्ववैमनस्यातून सहा ते सात जणांनी तेजस ला पाठलाग करुन मारहाण केली. त्याच्या डोक्यात जड शस्त्राने प्रहार केला. तेजसवर करण्यात आलेला हल्ला रस्त्यावरील दुकानांमध्ये लावलेल्या सीसीटीव्ही कॅमेऱ्यामध्ये कैद झाला आहे.