मुंबई : अंगणवाडी सेविकांचं 16 दिवसांपासून आंदोलन सुरु, शिवसेनेचा आंदोलनाला पाठिंबा

शिवसेना अध्यक्ष उद्धव ठाकरे यांच्यासमोर अंगणवाडी सेविकांनी जोरदार घोषणाबाजी केली. सध्या पगारवाढीसह इतर मागण्यासाठी मुंबईतल्या आझाद मैदानात सध्या आंदोलन सुरु आहे. या आंदोलनाला शिवसेनेनं पाठिंबा दिला आहे. या अंगणवाडी सेविकांना भेटण्यासाठी उद्धव ठाकरे आले. त्यावेळी अंगणवाडी सेविकांनी त्यांच्या मागण्यासाठी घोषणाबाजी केली.
यावेळी उद्धव ठाकरेंनीही सरकारवर जोरदार टीका केली. ज्या मातांचे आशिर्वाद घ्यायला पाहिजे, त्या मातांचे सरकारला शाप लागल्याशिवाय राहणार नाही असं यावेळी उद्धव ठाकरे म्हणाले.