मुंबई : भाजप-शिवसेना आगामी निवडणुका एकत्र लढवणार : सुधीर मुनगंटीवार

शिवसेना आगामी लोकसभा निवडणुका आपण स्वबळावर लढवणार अशी घोषणा उद्धव ठाकरे यांनी यापुर्वी केली आहे. मात्र दुसरीकडे शिवसेना आणि भाजप पुढच्या निवडणुका एकत्रच लढतील’ असा दावाच सुधीर मुनगंटीवार यांनी विधानसभेत केला आहे. अर्थसंकल्पाच्या चर्चेला उत्तर देताना मुनगंटीवार यांनी विरोधकांना उद्देशून हे वक्तव्य केलं. शिवसेनेच्या 'सामना' या मुखपत्रात काय छापून येत आहे याकडे लक्ष देऊ नका, असंही मुनगंटीवार यावेळी म्हणाले. मुनगंटीवार यांनी थेट सभागृहात ही भूमिका मांडल्याने अनेकांच्या भुवया उंचवल्या आहेत.