मुंबई : ज्येष्ठ रंगकर्मी सुधा करमरकर यांचं निधन, नाट्यसृष्टीतील कलाकारांची श्रद्धांजली

ज्येष्ठ नाट्यनिर्मात्या आणि अभिनेत्री सुधा करमरकर यांचं निधन झालं. वयाच्या 85 व्या वर्षी मुंबईत त्यांनी अखेरचा श्वास घेतलाय. सुधा करमरकर यांचा जन्म १९३४ साली झाला. वडील तात्या आमोणकर हे गिरगांव-मुंबईतील साहित्य संघ या नाट्यसंस्थेशी संलग्न होते.  सुधा करमरकरांनी मुंबईतील आपल्या वडिलांच्याच साहित्य संघ या नाट्यसंस्थेच्या साह्यानं ‘मधुमंजिरी’ हे मराठी रंगभूमीवरील खरेखुरे पहिले बालनाट्य सादर केलं. १९५९ साली रंगमंचावर आलेल्या या पहिल्या बालनाट्याने रंगभूमीवरील एका नव्या प्रवाहाचीच मुहूर्तमेढ केली. याशिवाय त्यांनी अनेक नाटकांचीही निर्मिती केली.