मुंबई : शिवबंधनानंतर आता शिवसैनिकांमध्ये अंगार चेतवण्यासाठी 'व्याघ्रमुठ'

शिवसेनेची यापुढे वज्र नाही तर व्याघ्रमुठ पहायला मिळणार आहे. शिवबंधनानंतर शिवसैनिकांसाठी ही वाघाची अंगठी तयार करण्यात आली आहे. शिवसेनाप्रमुख बाळासाहेब ठाकरेंच्या जयंतीनिमित्तानं आज ८८ शिवसैनिकांना या अंगठीचं वाटप करण्यात आलं. शिवसेनेचा वाघ हा शिवसेनेचे स्फूर्तीचिन्हच आहे. ते स्फूर्तीचिन्ह प्रत्येक शिवसैनिकांच्या मुठीत बळ देणारे ठरत आलेय. हेच डोळ्यासमोर ठेऊन कृष्णा पवळे या शिवसैनिकाने पुढाकार घेऊन आपल्या वाघाची वेगळी ओळख निर्माण करण्यासाठी ही अनोखी व्याघ्र अंगठी तयार केली आहे.