मुंबई : अप्रेंटिस उमेदवारांच्या आंदोलनानंतर विद्यार्थ्यांसोबत मनसेचं शिष्टमंडळ रेल्वेमंत्र्यांच्या भेटीला

अप्रेंटिस उमेदवारांनी मुंबईत एल्गार पुकारल्यानंतर आज दिल्लीमध्ये महत्वपूर्ण बैठक होणार आहे. आंदोलक विद्यार्थ्यांसोबत मनसेचं शिष्टमंडळ आज दिल्लीत जाऊन रेल्वेमंत्री पियुष गोयल यांची भेट घेईल. दुपारी दोन वाजता दिल्लीमध्ये ही भेट होईल.
विद्यार्थ्यांसोबत या शिष्टमंडळामध्ये मनसेचे नेते बाळा नांदगावकर, नितीन सरदेसाई, संदीप देशपांडे, मनोज चव्हाण यांचा समावेश असणार आहे. आपल्या विविध मागण्यासाठी आंदोलकांनी काल मुंबईत साडेतीन तास रेल्वेरोको केला होता. त्यानंतर मनसेनं विद्यार्थ्यांसाठी पुढाकार घेतलाय.