मुंबई : शिवसेना-भाजपची युती, आघाडीत फक्त चर्चेचं गुऱ्हाळ

आगामी विधानपरिषद निवडणुकीसाठी शिवसेना आणि भाजपच्या युतीवर शिक्कामोर्तब झालंय. एबीपी माझाच्या सूत्रांनी माहिती दिली आहे. स्थानिक स्वराज्य संस्थेच्या 6 जागांच्या विधानपरिषद निवडणुकीसाठी सेना भाजपचा 50:50 फॉर्म्युला निश्चित झाला आहे. 3 जागांवर शिवसेनेचे उमेदवार जाहीर तर 3 जागांवर भाजप उमेदवार देणार आहे. काँग्रेस आणि राष्ट्रवादीचं चर्चेचं गुऱ्हाळ सुरुच आहे. लातूरची जागा राष्ट्रवादीला हवी. शिवाय काँग्रेसही या जागेवर आग्रही आहे. त्यामुळे या अजूनही चर्चेचा घोळा सुरु आहे. 3 मे म्हणजेच उद्या उमेदवारी अर्ज भरण्याची शेवटची तारीख, 21 मे ला मतदान आहे.