मुंबई : राज्यसभेवर प्रकाश जावडेकरांसोबकरांसोबत नारायण राणे आणि खडसेंना संधी?

महाराष्ट्राच्या राजकारणातून एकनाथ खडसेंना दिल्लीत पाठवण्याच्या हालचाली सुरु आहेत. राज्यसभेसाठी भाजपकडून महाराष्ट्रातून प्रकाश जावडेकर आणि नारायण राणे यांच्यासोबत खडसेंचं नाव जोडलं जाण्याची शक्यता आहे. राणेंनी राज्यसभेची ऑफर स्वीकारली असून खडसेंचं नाव निश्चित होण्याची शक्यता सुत्रांनी वर्तवली आहे.

राज्यसभेच्या एकूण 58 जागांसाठी देशभरात निवडणूक होणार आहे. त्यातील 6 जागा महाराष्ट्रातून आहेत. विधानसभेचे संख्याबळ पाहता, तीन जागांवर भाजपचा विजय निश्चित मानला जातो. त्यामुळे या तीन जागांवर महाराष्ट्रातून भाजप कुणाला राज्यसभेवर पाठवतं, याची उत्सुकता सर्वांनाच लागली होती.