मुंबई : एलफिन्स्टन रोड स्टेशनचं नाव आता प्रभादेवी, नामकरणानंतर अवस्था बदलणार?

मुंबईच्या पश्चिम रेल्वे मार्गावरील एल्फिन्स्टन रेल्वे स्थानकाचे नाव बदलून प्रभादेवी स्थानक करण्यात आलं. त्याआधी प्रभादेवी मंदिरापासून स्थानकापर्यंत ढोल ताश्यांच्या गजरात शोभायात्रा देखील काढण्यात आली. नामांतरणाआधी स्टेशनवरील पाट्या, रेल्वे इंडिकेटर याठिकाणी नावं बदललेलं दिसलं. प्रभादेवी स्थानकाचा स्टेशन कोड पीबीएचडी असा असेल. एल्फिन्स्टन रोड स्थानकाच्या नामांतराची मागणी गेली अनेक वर्षांपासून केली जात होती.