मुंबई : पवईतील न्यू म्हाडा कॉलनीमधील इमारतीला मध्यरात्री आग

मुंबईतील पवई न्यू म्हाडा कॉलनीतील सफायर लेकसाइड सोसायटीत काल मध्यरात्री अचानक आग लागली. आग इमारतीच्या 22व्या मजल्यावर लागली होती. सुदैवाने आगीत कोणतीही जीवितहानी झाली नाही. विजेच्या आणि टेलिफोनच्या वायरींचे डक्ट उघडे असल्याने ही आग पसरली होती. त्यामुळे इमारतीत मोठ्या प्रमाणात धुराचे लोट निर्माण झाले होते. आग विझवण्यासाठी दहा पेक्षा जास्त अग्निशमनदलाच्या गाड्या दाखल झाल्या होत्या. दरम्यान सोसायटीतील नागरिकांच्या म्हणण्यानुसार सोसायटी म्हाडाने हल्लीच बनवली आहे. यातील अग्निशमनाचे सर्व उपकरणे निकामी आहेत. तसेच अनेवेळा तक्रार करुन देखील याकडे दुर्लक्ष केलं जातं आहे.