मुंबई : उद्यापासून राज्याचं अर्थसंकल्पीय अधिवेशन, विरोधकांचा चहापानावर बहिष्कार

राज्याचं अर्थसंकल्पीय अधिवेशन उद्यापासून सुरु होणार आहे. मात्र विरोधकांनी अधिवेशनाआधीच्या चहापानावर बहिष्कार टाकत सरकारवर जोरदार टीका केली आहे. आज रविवारी काँग्रेस-राष्ट्रवादीच्या नेत्यांची बैठक झाली. या बैठकीत हा निर्णय घेण्यात आला आहे.

उद्यापासून राज्याचे अर्थसंकल्पीय अधिवेशन सुरु होणार आहे. विरोधकांनी चहापानावर बहिष्कार टाकत सरकारवर टीकास्त्र सोडलं आहे. मुख्यमंत्री जनतेचे डिफॉल्टर ठरले आहेत. राज्य सरकारची आकडेवारी सांगते की 7 फेब्रुवारीपर्यंत फक्त 19 लाख 24 हजार शेतकऱ्यांचा सातबारा कोरा झाला आणि सरकारने फक्त 12 लाख 368 कोटी निधी दिला.

सरकारने घोषणा केल्याप्रमाणे 89 लाख शेतकऱ्यांना कर्जमाफी मिळणार होती तर 36 लाख कोटींचा निधी दिला जाणार अशी सरकारने घोषणाही केली होती. मात्र फक्त 12 लाख कोटींचीच माहिती सरकारकडे आहे. असा आरोप विधानसभेचे विरोधी पक्षनेते राधाकृष्ण विखे-पाटील यांनी केला आहे.