मुंबई : येत्या 1 ऑक्टोबरला नारायण राणे नव्या पक्षाची घोषणा करणार, सूत्रांची माहिती

भाजपशी चर्चेची गुऱ्हाळं सुरु असतानाच आता नारायण राणे यांनी नवा पक्ष स्थापन करण्याच्या हालचाली सुरु केल्या आहेत. कारण माझाच्या सूत्रांनी दिलेल्या माहितीनुसार, येत्या 1 ऑक्टोबरला नारायण राणे पत्रकार परिषद घेऊन नव्या पक्षाची घोषणा करणार आहेत. दरम्यान राणेंना नव्या पक्ष काढण्याचा सल्ला खुद्द भाजपाध्यक्ष अमित शाहांनीच दिल्याची माहिती आहे. तुमच्या नव्या पक्षाला आगामी निवडणुकीत एनडीएमध्ये सामावून घेऊ अशी ग्वाही अमित शहांनी दिल्लीतील बैठकीत दिल्याची माहिती सूत्रांनी दिली आहे.