संताप मोर्चा : चर्चगेट आणि मेट्रो सिनेमा परिसरातील आढावा

एलफिन्स्टन घटनेच्या निषेधार्थ आणि रेल्वेच्या विविध प्रश्नावर आज चर्चगेट येथे मनसेतर्फे मोर्चा काढण्यात येणार आहे. मात्र, अद्याप मनसेच्या या मोर्चाला पोलिसांची परवानगी मिळालेली नाही. परवानगी नसतानाही मोर्चा काढण्यावर मनसे ठाम आहे. पोलिसांनी कागदोपत्री परवानगी दिली नसली तरी परवानगी नाकारलेलीही नाही. मनसेच्या मोर्चाला परवानगी न मिळण्यामागे हायकोर्टाच्या आदेशाची पार्श्वभूमी आहे. कारण मुंबईत मोर्चासाठी आझाद मैदान ही जागा ठरवण्यात आलेली आहे. वाहतूक कोंडी आणि इतर समस्यांमुळे मुंबईत मोर्चासाठी परवानगी दिली जात नाही.