मुंबई : पावसाळ्याच्या पार्श्वभूमीवर मुंबई महापालिका कितपत तयार?

येत्या 8, 9 आणि 10 तारखेला मुंबईत अतीवृष्टी होण्याची शक्यता वर्तवण्यात आली आहे. मान्सूनची मुंबईतली एन्ट्रीच जोरदार ठरणार आहे. मात्र, मुंबई महापालिका यासाठी कितपत तयार आहे यावर मात्र प्रश्नचिन्ह आहे. कारण मुंबईतील एकूण 1 हजार 878 रस्त्यांची मान्सूनपूर्व दुरुस्तीची कामे महापालिकेने हाती घेतली होती. मात्र यापैकी 584 रस्त्यांची काम अद्यापही पूर्ण झाली नाहीत. मुंबईतला सर्वात महत्वाचा आणि प्रतिष्ठेचा मानला जाणाऱ्या ए वॉर्डमध्ये मंत्रालय, सर्व महत्वाची प्रशासकीय कार्यालये, विधानभवन, उच्च न्यायालय आहेत. मात्र या व्हीव्हीआयपी वॉर्डाची सध्याची परिस्थिती बघता यंदा पहिल्यांदा हा परिसर पाण्याखाली जाईल की काय? अशी भीती आहे.